Knattspyrnufélag Akureyrar fagnar 91 árs afmæli sínu sunnudaginn 6. janúar næstkomandi í KA-Heimilinu klukkan 14:00. Boðið verður upp á léttar veitingar auk þess sem íþróttamaður KA verður verðlaunaður sem og Böggubikarinn verður afhentur. Við bjóðum alla velkomna til að taka þátt í gleðinni með okkur og hlökkum til að sjá ykkur

Knattspyrnufélag Akureyrar óskar félagsmönnum sínum gleðilegra jóla og farsældar á komandi ári. Á sama tíma viljum við þakka fyrir ómetanlegan stuðning á árinu sem nú er að líða auk allrar þeirrar sjálfboðavinnu sem félagsmenn unnu fyrir félagið

Alexander Heiðarsson er júdómaður KA 2018 og Berenika Bernat er júdókona KA 2018. Þau eru vel að útnefningunum komin. Alexander var á árinu Íslandsmeistari í flokki fullorðinna í -66 kg flokki og Berenika varð Íslandsmeistari í undir 18 ára flokki, undir 21 árs flokki og opnum flokki fullorðinna. Alexander tók þátt í sex alþjóðlegum mótum og vann þar til tveggja verðlauna. Berenika tók þátt í tveimur alþjóðlegum mótum og stóð sig með sóma. Unnar Þorri Þorgilsson vann hinn árlega bikar sem gefinn er fyrir mestu framfarirnar KA óskar þeim öllum innilega til hamingju.

KA húfurnar eru tilvaldar í jólapakkann í ár! Húfurnar er hægt að nálgast í gegnum Ragnar Þorgrímsson, sem selur þær til styrktar 5. fl kvenna. Húfan kostar 2500.

Sunnudaginn 16. desember verður jólamót Júdódeildar KA vera haldið. Mótið hefst kl 14:00 og verður haldið í KA heimilinu. Þetta er frábær vettvangur til þess að æfa sig að keppa, njóta þess að vera með og stíga aðeins út fyrir þægindarammann. Við hvetjum við alla júdóiðkendur (stelpur og stráka, karla og konur) til þess að taka þátt í honum með okkur.

KA bauð félagsmenn sína velkomna í KA-Heimilið á grautardaginn á sunnudaginn en boðið var upp á mjólkurgraut og slátur. Ákaflega ánægjulegt var að sjá hve margir lögðu leið sína í KA-Heimilið og nutu matarins

Við óskum þeim KA félögum sem eiga stórafmæli í desember innilega til hamingju.

Það verður skemmtilegt í hádeginu í KA-Heimilinu á sunnudaginn þegar við höldum grautardaginn. Þá bjóðum við félagsmönnum upp á mjólkurgraut og slátur auk þess sem deildir félagsins verða með ýmsan varning til sölu

Föstudagsframsagan hefur slegið í gegn og núna á föstudaginn leggjum við allt undir! Fjölmiðlamaðurinn Tómas Þór Þórðarson mætir í KA-Heimilið og fer yfir fótboltann hjá KA undanfarin ár eins og honum einum er lagið

Föstudagsframsagan hefur vakið mikla lukku hjá okkur KA mönnum og nú er röðin komin að Ingvari Má Gíslasyni formanni KA. Ingvar mun meðal annars fara yfir stöðuna á samningsviðræðum við Akureyrarbæ en mikill áhugi og forvitni er meðal félagsmanna KA um stöðu mála